鄧小平：港主權問題 不能夠談判

「三權分立」爭拗中，我哋經常睇見同聽見兩個字──「主權」。如果要了解中央政府點解咁重視香港既主權，就又係講歷史故仔既時候了。

1982年起，中英開始就香港前途問題進行談判。當中最重要既一個會面，乃係1982年9月24日鄧小平响北京人民大會堂同「鐵娘子」戴卓爾夫人面對面咁坐左响談判桌。據講，當時戴卓爾夫人打既係「主權牌」，講明有關香港既三個條約《南京條約》、《北京條約》同埋《展拓香港界址專條》都白紙黑字寫到明香港已經割讓同租咗畀英國。仲聲稱香港既繁榮同穩定只有英國繼續統治先能夠得到保證，唔容許北京自己將條約廢除喎。

對此，鄧小平直截了當咁表達咗中方對香港既立場，佢講到明：「主權問題是不能夠談判的，就是中國1997年收回香港的問題是不能談判的。」就係咁，香港既主權屬於中國呢個部分，從此就已經係整場談判中一個不可動搖既大前提了。